مقترحات لحل أزمة الكهرباء

بما ان مصر بأت بتعيش على المعونات "بنك الطعام - مستشفى السرطان - رساله - الاورمان - جامعة زويل - .........."
أحنا ندشن حمله للتبرع بالكهربا

اعلم انك تشاهد هذا الاعلان الان بينما الاف المصريين لايستطيعون مشاهدته
تعاطفك لوحده مش كفايه.....اتبرع ولو بفولت

**********

نقوم بتشغيل المراوح والتكيفات باستخدام الحجاره القلم..أو الفحم

**********

بعد الموبايلات اللى بكشاف....لازم نطلب من الصين تنزلنا جيل جديد من الموبايلات بمراوح

**********

نحاول نخفف الفولت بدل ما نقطعه خالص يعنى يفصلوا 200 فولت ويسيبولنا 20 نشغل بهم المروحه

**********

مرسي يبيع طائر النهضه ويشترى تكيف مركزى بياخد م السد علطول
أهو على الأقل لو النور قطع يبأه عندنا تكييف ..... وفى الأخر ده مجرد طائر

**********
نعيد انتاج المشروع القومى للكوتشي اللى بينور فى الضلمه..ونطور فيه بحيث يشمل الشباشب كمان
**********

أخيرا محاوله للنظر للنص المليان من الكوبايه
وزى ما انتم عارفين العطشان بيبص على نص الكوبايه المليان  :)
مرسي أدخل السرور على قلب كم واحد فى الفتره القليله ديه..كل شويه تلاقى حد فى مكانا ما فى مصر يصرخ سعيدا .... هييييييييييه النور جيه :)

Top of Form